קריאה בתורה פרשת בא נוסח ספרדי ירושלמי

ראשון פרשת בא נוסח מרוקו

מפטיר והפטרה פרשת בשלח בנוסח יהודי מרוקו

ו,ב וַיְדַבֵּר אֱלֹהִים, אֶל-מֹשֶׁה; וַיֹּאמֶר אֵלָיו, אֲנִי יְהוָה.

וּמַלֵּיל יְיָ, עִם מֹשֶׁה; וַאֲמַר לֵיהּ, אֲנָא יְיָ.

ו,ג וָאֵרָא, אֶל-אַבְרָהָם אֶל-יִצְחָק וְאֶל-יַעֲקֹב--בְּאֵל שַׁדָּי; וּשְׁמִי יְהוָה, לֹא נוֹדַעְתִּי לָהֶם.

וְאִתְגְּלִיתִי, לְאַבְרָהָם לְיִצְחָק וּלְיַעֲקוֹב--בְּאֵל שַׁדָּי; וּשְׁמִי יְיָ, לָא הוֹדַעִית לְהוֹן.

ו,ד וְגַם הֲקִמֹתִי אֶת-בְּרִיתִי אִתָּם, לָתֵת לָהֶם אֶת-אֶרֶץ כְּנָעַן--אֵת אֶרֶץ מְגֻרֵיהֶם, אֲשֶׁר-גָּרוּ בָהּ.

וְאַף אֲקֵימִית יָת קְיָמִי עִמְּהוֹן, לְמִתַּן לְהוֹן יָת אַרְעָא דִּכְנָעַן--יָת אֲרַע תּוֹתָבוּתְהוֹן, דְּאִתּוֹתַבוּ בַּהּ.

ו,ה וְגַם אֲנִי שָׁמַעְתִּי, אֶת-נַאֲקַת בְּנֵי יִשְׂרָאֵל, אֲשֶׁר מִצְרַיִם, מַעֲבִדִים אֹתָם; וָאֶזְכֹּר, אֶת-בְּרִיתִי.

וְאַף קֳדָמַי שְׁמִיעַ, יָת קְבִילַת בְּנֵי יִשְׂרָאֵל, דְּמִצְרָאֵי, מַפְלְחִין בְּהוֹן; וּדְכִירְנָא, יָת קְיָמִי.

ו,ו לָכֵן אֱמֹר לִבְנֵי-יִשְׂרָאֵל, אֲנִי יְהוָה, וְהוֹצֵאתִי אֶתְכֶם מִתַּחַת סִבְלֹת מִצְרַיִם, וְהִצַּלְתִּי אֶתְכֶם מֵעֲבֹדָתָם; וְגָאַלְתִּי אֶתְכֶם בִּזְרוֹעַ נְטוּיָה, וּבִשְׁפָטִים גְּדֹלִים.

בְּכֵין אֵימַר לִבְנֵי יִשְׂרָאֵל, אֲנָא יְיָ, וְאַפֵּיק יָתְכוֹן מִגּוֹ דְּחוֹק פֻּלְחַן מִצְרָאֵי, וַאֲשֵׁיזֵיב יָתְכוֹן מִפֻּלְחָנְהוֹן; וְאֶפְרוֹק יָתְכוֹן בִּדְרָע מְרָמַם, וּבְדִינִין רַבְרְבִין.

ו,ז וְלָקַחְתִּי אֶתְכֶם לִי לְעָם, וְהָיִיתִי לָכֶם לֵאלֹהִים; וִידַעְתֶּם, כִּי אֲנִי יְהוָה אֱלֹהֵיכֶם, הַמּוֹצִיא אֶתְכֶם, מִתַּחַת סִבְלוֹת מִצְרָיִם.

וַאֲקָרֵיב יָתְכוֹן קֳדָמַי לְעַם, וְאֶהְוֵי לְכוֹן לֶאֱלָהּ; וְתִדְּעוּן, אֲרֵי אֲנָא יְיָ אֱלָהֲכוֹן, דְּאַפֵּיק יָתְכוֹן, מִגּוֹ דְּחוֹק פֻּלְחַן מִצְרָאֵי.

ו,ח וְהֵבֵאתִי אֶתְכֶם, אֶל-הָאָרֶץ, אֲשֶׁר נָשָׂאתִי אֶת-יָדִי, לָתֵת אֹתָהּ לְאַבְרָהָם לְיִצְחָק וּלְיַעֲקֹב; וְנָתַתִּי אֹתָהּ לָכֶם מוֹרָשָׁה, אֲנִי יְהוָה.

וְאַעֵיל יָתְכוֹן, לְאַרְעָא, דְּקַיֵּימִית בְּמֵימְרִי, לְמִתַּן יָתַהּ לְאַבְרָהָם לְיִצְחָק וּלְיַעֲקוֹב; וְאֶתֵּין יָתַהּ לְכוֹן יְרֻתָּא, אֲנָא יְיָ.

ו,ט וַיְדַבֵּר מֹשֶׁה כֵּן, אֶל-בְּנֵי יִשְׂרָאֵל; וְלֹא שָׁמְעוּ, אֶל-מֹשֶׁה, מִקֹּצֶר רוּחַ, וּמֵעֲבֹדָה קָשָׁה.  {פ}

וּמַלֵּיל מֹשֶׁה כֵּין, עִם בְּנֵי יִשְׂרָאֵל; וְלָא קַבִּילוּ, מִן מֹשֶׁה, מֵעֲיָק רוּחַ, וּמִפֻּלְחָנָא דַּהֲוָה קְשֵׁי עֲלֵיהוֹן.  {פ}

ו,י וַיְדַבֵּר יְהוָה, אֶל-מֹשֶׁה לֵּאמֹר.

וּמַלֵּיל יְיָ, עִם מֹשֶׁה לְמֵימַר.

ו,יא בֹּא דַבֵּר, אֶל-פַּרְעֹה מֶלֶךְ מִצְרָיִם; וִישַׁלַּח אֶת-בְּנֵי-יִשְׂרָאֵל, מֵאַרְצוֹ.

עוֹל מַלֵּיל, עִם פַּרְעֹה מַלְכָּא דְּמִצְרָיִם; וִישַׁלַּח יָת בְּנֵי יִשְׂרָאֵל, מֵאַרְעֵיהּ.

ו,יב וַיְדַבֵּר מֹשֶׁה, לִפְנֵי יְהוָה לֵאמֹר:  הֵן בְּנֵי-יִשְׂרָאֵל, לֹא-שָׁמְעוּ אֵלַי, וְאֵיךְ יִשְׁמָעֵנִי פַרְעֹה, וַאֲנִי עֲרַל שְׂפָתָיִם.  {פ}

וּמַלֵּיל מֹשֶׁה, קֳדָם יְיָ לְמֵימַר:  הָא בְּנֵי יִשְׂרָאֵל, לָא קַבִּילוּ מִנִּי, וְאֵיכְדֵין יְקַבֵּיל מִנִּי פַּרְעֹה, וַאֲנָא יַקִּיר מַמְלַל.  {פ}

ו,יג וַיְדַבֵּר יְהוָה, אֶל-מֹשֶׁה וְאֶל-אַהֲרֹן, וַיְצַוֵּם אֶל-בְּנֵי יִשְׂרָאֵל, וְאֶל-פַּרְעֹה מֶלֶךְ מִצְרָיִם--לְהוֹצִיא אֶת-בְּנֵי-יִשְׂרָאֵל, מֵאֶרֶץ מִצְרָיִם.  {ס}

וּמַלֵּיל יְיָ, עִם מֹשֶׁה וּלְאַהֲרוֹן, וּפַקֵּידִנּוּן לְוָת בְּנֵי יִשְׂרָאֵל, וּלְוָת פַּרְעֹה מַלְכָּא דְּמִצְרָיִם--לְאַפָּקָא יָת בְּנֵי יִשְׂרָאֵל, מֵאַרְעָא דְּמִצְרָיִם.  {ס}

ו,יד אֵלֶּה, רָאשֵׁי בֵית-אֲבֹתָם:  בְּנֵי רְאוּבֵן בְּכֹר יִשְׂרָאֵל, חֲנוֹךְ וּפַלּוּא חֶצְרֹן וְכַרְמִי--אֵלֶּה, מִשְׁפְּחֹת רְאוּבֵן.

אִלֵּין, רֵישֵׁי בֵּית אֲבָהָתְהוֹן:  בְּנֵי רְאוּבֵן בֻּכְרָא דְּיִשְׂרָאֵל, חֲנוֹךְ וּפַלּוּא חֶצְרוֹן וְכַרְמִי--אִלֵּין, זַרְעֲיָת רְאוּבֵן.

ו,טו וּבְנֵי שִׁמְעוֹן, יְמוּאֵל וְיָמִין וְאֹהַד וְיָכִין וְצֹחַר, וְשָׁאוּל, בֶּן-הַכְּנַעֲנִית; אֵלֶּה, מִשְׁפְּחֹת שִׁמְעוֹן.

וּבְנֵי שִׁמְעוֹן, יְמוּאֵל וְיָמִין וְאֹהַד וְיָכִין וְצֹחַר, וְשָׁאוּל, בַּר כְּנַעֲנֵיתָא; אִלֵּין, זַרְעֲיָת שִׁמְעוֹן.

ו,טז וְאֵלֶּה שְׁמוֹת בְּנֵי-לֵוִי, לְתֹלְדֹתָם--גֵּרְשׁוֹן, וּקְהָת וּמְרָרִי; וּשְׁנֵי חַיֵּי לֵוִי, שֶׁבַע וּשְׁלֹשִׁים וּמְאַת שָׁנָה.

וְאִלֵּין שְׁמָהָת בְּנֵי לֵוִי, לְתוֹלְדָתְהוֹן--גֵּרְשׁוֹן, וּקְהָת וּמְרָרִי; וּשְׁנֵי חַיֵּי לֵוִי, מְאָה וּתְלָתִין וּשְׁבַע שְׁנִין.

ו,יז בְּנֵי גֵרְשׁוֹן לִבְנִי וְשִׁמְעִי, לְמִשְׁפְּחֹתָם.

בְּנֵי גֵּרְשׁוֹן לִבְנִי וְשִׁמְעִי, לְזַרְעֲיָתְהוֹן.

ו,יח וּבְנֵי קְהָת--עַמְרָם וְיִצְהָר, וְחֶבְרוֹן וְעֻזִּיאֵל; וּשְׁנֵי חַיֵּי קְהָת, שָׁלֹשׁ וּשְׁלֹשִׁים וּמְאַת שָׁנָה.

וּבְנֵי קְהָת--עַמְרָם וְיִצְהָר, וְחֶבְרוֹן וְעֻזִּיאֵל; וּשְׁנֵי חַיֵּי קְהָת, מְאָה וּתְלָתִין וּתְלָת שְׁנִין.

ו,יט וּבְנֵי מְרָרִי, מַחְלִי וּמוּשִׁי; אֵלֶּה מִשְׁפְּחֹת הַלֵּוִי, לְתֹלְדֹתָם.

וּבְנֵי מְרָרִי, מַחְלִי וּמוּשִׁי; אִלֵּין זַרְעֲיָת לֵוִי, לְתוֹלְדָתְהוֹן.

ו,כ וַיִּקַּח עַמְרָם אֶת-יוֹכֶבֶד דֹּדָתוֹ, לוֹ לְאִשָּׁה, וַתֵּלֶד לוֹ, אֶת-אַהֲרֹן וְאֶת-מֹשֶׁה; וּשְׁנֵי חַיֵּי עַמְרָם, שֶׁבַע וּשְׁלֹשִׁים וּמְאַת שָׁנָה.

וּנְסֵיב עַמְרָם יָת יוֹכֶבֶד אֲחָת אֲבוּהִי, לֵיהּ לְאִתּוּ, וִילֵידַת לֵיהּ, יָת אַהֲרוֹן וְיָת מֹשֶׁה; וּשְׁנֵי חַיֵּי עַמְרָם, מְאָה וּתְלָתִין וּשְׁבַע שְׁנִין.

ו,כא וּבְנֵי, יִצְהָר--קֹרַח וָנֶפֶג, וְזִכְרִי.

וּבְנֵי, יִצְהָר--קֹרַח וָנֶפֶג, וְזִכְרִי.

ו,כב וּבְנֵי, עֻזִּיאֵל--מִישָׁאֵל וְאֶלְצָפָן, וְסִתְרִי.

וּבְנֵי, עֻזִּיאֵל--מִישָׁאֵל וְאֶלְצָפָן, וְסִתְרִי.

ו,כג וַיִּקַּח אַהֲרֹן אֶת-אֱלִישֶׁבַע בַּת-עַמִּינָדָב, אֲחוֹת נַחְשׁוֹן--לוֹ לְאִשָּׁה; וַתֵּלֶד לוֹ, אֶת-נָדָב וְאֶת-אֲבִיהוּא, אֶת-אֶלְעָזָר, וְאֶת-אִיתָמָר.

וּנְסֵיב אַהֲרוֹן יָת אֱלִישֶׁבַע בַּת עַמִּינָדָב, אֲחָתֵיהּ דְּנַחְשׁוֹן--לֵיהּ לְאִתּוּ; וִילֵידַת לֵיהּ, יָת נָדָב וְיָת אֲבִיהוּא, יָת אֶלְעָזָר, וְיָת אִיתָמָר.

ו,כד וּבְנֵי קֹרַח, אַסִּיר וְאֶלְקָנָה וַאֲבִיאָסָף; אֵלֶּה, מִשְׁפְּחֹת הַקָּרְחִי.

וּבְנֵי קֹרַח, אַסִּיר וְאֶלְקָנָה וַאֲבִיאָסָף; אִלֵּין, זַרְעֲיָת קֹרַח.

ו,כה וְאֶלְעָזָר בֶּן-אַהֲרֹן לָקַח-לוֹ מִבְּנוֹת פּוּטִיאֵל, לוֹ לְאִשָּׁה, וַתֵּלֶד לוֹ, אֶת-פִּינְחָס; אֵלֶּה, רָאשֵׁי אֲבוֹת הַלְוִיִּם--לְמִשְׁפְּחֹתָם.

וְאֶלְעָזָר בַּר אַהֲרוֹן נְסֵיב לֵיהּ מִבְּנָת פּוּטִיאֵל, לֵיהּ לְאִתּוּ, וִילֵידַת לֵיהּ, יָת פִּינְחָס; אִלֵּין, רֵישֵׁי אֲבָהָת לֵיוָאֵי--לְזַרְעֲיָתְהוֹן.

ו,כו הוּא אַהֲרֹן, וּמֹשֶׁה--אֲשֶׁר אָמַר יְהוָה, לָהֶם, הוֹצִיאוּ אֶת-בְּנֵי יִשְׂרָאֵל מֵאֶרֶץ מִצְרַיִם, עַל-צִבְאֹתָם.

הוּא אַהֲרוֹן, וּמֹשֶׁה--דַּאֲמַר יְיָ, לְהוֹן, אַפִּיקוּ יָת בְּנֵי יִשְׂרָאֵל מֵאַרְעָא דְּמִצְרַיִם, עַל חֵילֵיהוֹן.

ו,כז הֵם, הַמְדַבְּרִים אֶל-פַּרְעֹה מֶלֶךְ-מִצְרַיִם, לְהוֹצִיא אֶת-בְּנֵי-יִשְׂרָאֵל, מִמִּצְרָיִם; הוּא מֹשֶׁה, וְאַהֲרֹן.

אִנּוּן, דִּמְמַלְּלִין עִם פַּרְעֹה מַלְכָּא דְּמִצְרַיִם, לְאַפָּקָא יָת בְּנֵי יִשְׂרָאֵל, מִמִּצְרָיִם; הוּא מֹשֶׁה, וְאַהֲרוֹן.

ו,כח וַיְהִי, בְּיוֹם דִּבֶּר יְהוָה אֶל-מֹשֶׁה--בְּאֶרֶץ מִצְרָיִם.  {ס}

וַהֲוָה, בְּיוֹמָא דְּמַלֵּיל יְיָ עִם מֹשֶׁה--בְּאַרְעָא דְּמִצְרָיִם.  {ס}

ו,כט וַיְדַבֵּר יְהוָה אֶל-מֹשֶׁה לֵּאמֹר, אֲנִי יְהוָה; דַּבֵּר, אֶל-פַּרְעֹה מֶלֶךְ מִצְרַיִם, אֵת כָּל-אֲשֶׁר אֲנִי, דֹּבֵר אֵלֶיךָ.

וּמַלֵּיל יְיָ עִם מֹשֶׁה לְמֵימַר, אֲנָא יְיָ; מַלֵּיל, עִם פַּרְעֹה מַלְכָּא דְּמִצְרַיִם, יָת כָּל דַּאֲנָא, מְמַלֵּיל עִמָּךְ.

ו,ל וַיֹּאמֶר מֹשֶׁה, לִפְנֵי יְהוָה:  הֵן אֲנִי, עֲרַל שְׂפָתַיִם, וְאֵיךְ, יִשְׁמַע אֵלַי פַּרְעֹה.  {פ}

וַאֲמַר מֹשֶׁה, קֳדָם יְיָ:  הָא אֲנָא, יַקִּיר מַמְלַל, וְאֵיכְדֵין, יְקַבֵּיל מִנִּי פַּרְעֹה.  {פ}

ז,א וַיֹּאמֶר יְהוָה אֶל-מֹשֶׁה, רְאֵה נְתַתִּיךָ אֱלֹהִים לְפַרְעֹה; וְאַהֲרֹן אָחִיךָ, יִהְיֶה נְבִיאֶךָ.

וַאֲמַר יְיָ לְמֹשֶׁה, חֲזִי דְּמַנִּיתָךְ רָב לְפַרְעֹה; וְאַהֲרוֹן אֲחוּךְ, יְהֵי מְתֻרְגְּמָנָךְ.

ז,ב אַתָּה תְדַבֵּר, אֵת כָּל-אֲשֶׁר אֲצַוֶּךָּ; וְאַהֲרֹן אָחִיךָ יְדַבֵּר אֶל-פַּרְעֹה, וְשִׁלַּח אֶת-בְּנֵי-יִשְׂרָאֵל מֵאַרְצוֹ.

אַתְּ תְּמַלֵּיל, יָת כָּל דַּאֲפַקְּדִנָּךְ; וְאַהֲרוֹן אֲחוּךְ יְמַלֵּיל עִם פַּרְעֹה, וִישַׁלַּח יָת בְּנֵי יִשְׂרָאֵל מֵאַרְעֵיהּ.

ז,ג וַאֲנִי אַקְשֶׁה, אֶת-לֵב פַּרְעֹה; וְהִרְבֵּיתִי אֶת-אֹתֹתַי וְאֶת-מוֹפְתַי, בְּאֶרֶץ מִצְרָיִם.

וַאֲנָא אַקְשֵׁי, יָת לִבָּא דְּפַרְעֹה; וְאַסְגֵּי יָת אָתְוָתַי וְיָת מוֹפְתַי, בְּאַרְעָא דְּמִצְרָיִם.

ז,ד וְלֹא-יִשְׁמַע אֲלֵכֶם פַּרְעֹה, וְנָתַתִּי אֶת-יָדִי בְּמִצְרָיִם; וְהוֹצֵאתִי אֶת-צִבְאֹתַי אֶת-עַמִּי בְנֵי-יִשְׂרָאֵל, מֵאֶרֶץ מִצְרַיִם, בִּשְׁפָטִים, גְּדֹלִים.

וְלָא יְקַבֵּיל מִנְּכוֹן פַּרְעֹה, וְאֶתֵּין יָת מַחַת גְּבוּרְתִי בְּמִצְרָיִם; וְאַפֵּיק יָת חֵילַי יָת עַמִּי בְּנֵי יִשְׂרָאֵל, מֵאַרְעָא דְּמִצְרַיִם, בְּדִינִין, רַבְרְבִין.

ז,ה וְיָדְעוּ מִצְרַיִם כִּי-אֲנִי יְהוָה, בִּנְטֹתִי אֶת-יָדִי עַל-מִצְרָיִם; וְהוֹצֵאתִי אֶת-בְּנֵי-יִשְׂרָאֵל, מִתּוֹכָם.

וְיִדְּעוּן מִצְרָאֵי אֲרֵי אֲנָא יְיָ, כַּד אֲרֵים יָת מַחַת גְּבוּרְתִי עַל מִצְרָיִם; וְאַפֵּיק יָת בְּנֵי יִשְׂרָאֵל, מִבֵּינֵיהוֹן.

ז,ו וַיַּעַשׂ מֹשֶׁה, וְאַהֲרֹן--כַּאֲשֶׁר צִוָּה יְהוָה אֹתָם, כֵּן עָשׂוּ.

וַעֲבַד מֹשֶׁה, וְאַהֲרוֹן--כְּמָא דְּפַקֵּיד יְיָ יָתְהוֹן, כֵּין עֲבַדוּ.

ז,ז וּמֹשֶׁה, בֶּן-שְׁמֹנִים שָׁנָה, וְאַהֲרֹן, בֶּן-שָׁלֹשׁ וּשְׁמֹנִים שָׁנָה--בְּדַבְּרָם, אֶל-פַּרְעֹה.  {פ}

וּמֹשֶׁה, בַּר תְּמָנַן שְׁנִין, וְאַהֲרוֹן, בַּר תְּמָנַן וּתְלָת שְׁנִין--בְּמַלָּלוּתְהוֹן, עִם פַּרְעֹה.  {פ}

ז,ח וַיֹּאמֶר יְהוָה, אֶל-מֹשֶׁה וְאֶל-אַהֲרֹן לֵאמֹר.

וַאֲמַר יְיָ, לְמֹשֶׁה וּלְאַהֲרוֹן לְמֵימַר.

ז,ט כִּי יְדַבֵּר אֲלֵכֶם פַּרְעֹה לֵאמֹר, תְּנוּ לָכֶם מוֹפֵת; וְאָמַרְתָּ אֶל-אַהֲרֹן, קַח אֶת-מַטְּךָ וְהַשְׁלֵךְ לִפְנֵי-פַרְעֹה--יְהִי לְתַנִּין.

אֲרֵי יְמַלֵּיל עִמְּכוֹן פַּרְעֹה לְמֵימַר, הַבוּ לְכוֹן אָתָא; וְתֵימַר לְאַהֲרוֹן, סַב יָת חֻטְרָךְ וּרְמִי קֳדָם פַּרְעֹה--יְהֵי לְתַנִּינָא.

ז,י וַיָּבֹא מֹשֶׁה וְאַהֲרֹן, אֶל-פַּרְעֹה, וַיַּעֲשׂוּ כֵן, כַּאֲשֶׁר צִוָּה יְהוָה; וַיַּשְׁלֵךְ אַהֲרֹן אֶת-מַטֵּהוּ, לִפְנֵי פַרְעֹה וְלִפְנֵי עֲבָדָיו--וַיְהִי לְתַנִּין.

וְעָאל מֹשֶׁה וְאַהֲרוֹן, לְוָת פַּרְעֹה, וַעֲבַדוּ כֵּין, כְּמָא דְּפַקֵּיד יְיָ; וּרְמָא אַהֲרוֹן יָת חֻטְרֵיהּ, קֳדָם פַּרְעֹה וּקְדָם עַבְדּוֹהִי--וַהֲוָה לְתַנִּינָא.

ז,יא וַיִּקְרָא, גַּם-פַּרְעֹה, לַחֲכָמִים, וְלַמְכַשְּׁפִים; וַיַּעֲשׂוּ גַם-הֵם חַרְטֻמֵּי מִצְרַיִם, בְּלַהֲטֵיהֶם--כֵּן.

וּקְרָא, אַף פַּרְעֹה, לְחַכִּימַיָּא, וּלְחָרָשַׁיָּא; וַעֲבַדוּ אַף אִנּוּן חָרָשֵׁי מִצְרַיִם, בְּלַחֲשֵׁיהוֹן--כֵּין.

ז,יב וַיַּשְׁלִיכוּ אִישׁ מַטֵּהוּ, וַיִּהְיוּ לְתַנִּינִם; וַיִּבְלַע מַטֵּה-אַהֲרֹן, אֶת-מַטֹּתָם.

וּרְמוֹ גְּבַר חֻטְרֵיהּ, וַהֲווֹ לְתַנִּינִין; וּבְלַע חֻטְרָא דְּאַהֲרוֹן, יָת חֻטְרֵיהוֹן.

ז,יג וַיֶּחֱזַק לֵב פַּרְעֹה, וְלֹא שָׁמַע אֲלֵהֶם:  כַּאֲשֶׁר, דִּבֶּר יְהוָה.  {ס}

וְאִתַּקַּף לִבָּא דְּפַרְעֹה, וְלָא קַבֵּיל מִנְּהוֹן:  כְּמָא דְּמַלֵּיל יְיָ.  {ס}

ז,יד וַיֹּאמֶר יְהוָה אֶל-מֹשֶׁה, כָּבֵד לֵב פַּרְעֹה; מֵאֵן, לְשַׁלַּח הָעָם.

וַאֲמַר יְיָ לְמֹשֶׁה, אִתְיַקַּר לִבָּא דְּפַרְעֹה; סָרֵיב, לְשַׁלָּחָא עַמָּא.

ז,טו לֵךְ אֶל-פַּרְעֹה בַּבֹּקֶר, הִנֵּה יֹצֵא הַמַּיְמָה, וְנִצַּבְתָּ לִקְרָאתוֹ, עַל-שְׂפַת הַיְאֹר; וְהַמַּטֶּה אֲשֶׁר-נֶהְפַּךְ לְנָחָשׁ, תִּקַּח בְּיָדֶךָ.

אִיזֵיל לְוָת פַּרְעֹה בְּצַפְרָא, הָא נָפֵיק לְמַיָּא, וְתִתְעַתַּד לְקַדָּמוּתֵיהּ, עַל כֵּיף נַהְרָא; וְחֻטְרָא דְּאִתְהֲפֵיךְ לְחִוְיָא, תִּסַּב בִּידָךְ.

ז,טז וְאָמַרְתָּ אֵלָיו, יְהוָה אֱלֹהֵי הָעִבְרִים שְׁלָחַנִי אֵלֶיךָ לֵאמֹר, שַׁלַּח אֶת-עַמִּי, וְיַעַבְדֻנִי בַּמִּדְבָּר; וְהִנֵּה לֹא-שָׁמַעְתָּ, עַד-כֹּה.

וְתֵימַר לֵיהּ, יְיָ אֱלָהָא דִּיהוּדָאֵי שַׁלְחַנִי לְוָתָךְ לְמֵימַר, שַׁלַּח יָת עַמִּי, וְיִפְלְחוּן קֳדָמַי בְּמַדְבְּרָא; וְהָא לָא קַבֵּילְתָּא, עַד כְּעַן.

ז,יז כֹּה, אָמַר יְהוָה, בְּזֹאת תֵּדַע, כִּי אֲנִי יְהוָה:  הִנֵּה אָנֹכִי מַכֶּה בַּמַּטֶּה אֲשֶׁר-בְּיָדִי, עַל-הַמַּיִם אֲשֶׁר בַּיְאֹר--וְנֶהֶפְכוּ לְדָם.

כִּדְנָן, אֲמַר יְיָ, בְּדָא תִּדַּע, אֲרֵי אֲנָא יְיָ:  הָא אֲנָא מָחֵי בְּחֻטְרָא דְּבִידִי, עַל מַיָּא דִּבְנַהְרָא--וְיִתְהַפְכוּן לִדְמָא.

ז,יח וְהַדָּגָה אֲשֶׁר-בַּיְאֹר תָּמוּת, וּבָאַשׁ הַיְאֹר; וְנִלְאוּ מִצְרַיִם, לִשְׁתּוֹת מַיִם מִן-הַיְאֹר.  {ס}

וְנוּנֵי דִּבְנַהְרָא יְמוּתוּן, וְיִסְרֵי נַהְרָא; וְיִלְאוֹן מִצְרָאֵי, לְמִשְׁתֵּי מַיָּא מִן נַהְרָא.  {ס}

ז,יט וַיֹּאמֶר יְהוָה אֶל-מֹשֶׁה, אֱמֹר אֶל-אַהֲרֹן קַח מַטְּךָ וּנְטֵה-יָדְךָ עַל-מֵימֵי מִצְרַיִם עַל-נַהֲרֹתָם עַל-יְאֹרֵיהֶם וְעַל-אַגְמֵיהֶם וְעַל כָּל-מִקְוֵה מֵימֵיהֶם--וְיִהְיוּ-דָם; וְהָיָה דָם בְּכָל-אֶרֶץ מִצְרַיִם, וּבָעֵצִים וּבָאֲבָנִים.

וַאֲמַר יְיָ לְמֹשֶׁה, אֵימַר לְאַהֲרוֹן סַב חֻטְרָךְ וַאֲרֵים יְדָךְ עַל מַיָּא דְּמִצְרָאֵי עַל נַהְרֵיהוֹן עַל אֲרִתֵּיהוֹן וְעַל אַגְמֵיהוֹן וְעַל כָּל בֵּית כְּנֵישָׁת מֵימֵיהוֹן--וִיהוֹן דְּמָא; וִיהֵי דְּמָא בְּכָל אַרְעָא דְּמִצְרַיִם, וּבְמָנֵי אָעָא וּבְמָנֵי אַבְנָא.

ז,כ וַיַּעֲשׂוּ-כֵן מֹשֶׁה וְאַהֲרֹן כַּאֲשֶׁר צִוָּה יְהוָה, וַיָּרֶם בַּמַּטֶּה וַיַּךְ אֶת-הַמַּיִם אֲשֶׁר בַּיְאֹר, לְעֵינֵי פַרְעֹה, וּלְעֵינֵי עֲבָדָיו; וַיֵּהָפְכוּ כָּל-הַמַּיִם אֲשֶׁר-בַּיְאֹר, לְדָם.

וַעֲבַדוּ כֵּין מֹשֶׁה וְאַהֲרוֹן כְּמָא דְּפַקֵּיד יְיָ, וַאֲרֵים בְּחֻטְרָא וּמְחָא יָת מַיָּא דִּבְנַהְרָא, לְעֵינֵי פַּרְעֹה, וּלְעֵינֵי עַבְדּוֹהִי; וְאִתְהֲפִיכוּ כָּל מַיָּא דִּבְנַהְרָא, לִדְמָא.

ז,כא וְהַדָּגָה אֲשֶׁר-בַּיְאֹר מֵתָה, וַיִּבְאַשׁ הַיְאֹר, וְלֹא-יָכְלוּ מִצְרַיִם, לִשְׁתּוֹת מַיִם מִן-הַיְאֹר; וַיְהִי הַדָּם, בְּכָל-אֶרֶץ מִצְרָיִם.

וְנוּנֵי דִּבְנַהְרָא מִיתוּ, וּסְרִי נַהְרָא, וְלָא יְכִילוּ מִצְרָאֵי, לְמִשְׁתֵּי מַיָּא מִן נַהְרָא; וַהֲוָה דְּמָא, בְּכָל אַרְעָא דְּמִצְרָיִם.

ז,כב וַיַּעֲשׂוּ-כֵן חַרְטֻמֵּי מִצְרַיִם, בְּלָטֵיהֶם; וַיֶּחֱזַק לֵב-פַּרְעֹה וְלֹא-שָׁמַע אֲלֵהֶם, כַּאֲשֶׁר דִּבֶּר יְהוָה.

וַעֲבַדוּ כֵּין חָרָשֵׁי מִצְרַיִם, בְּלַחֲשֵׁיהוֹן; וְאִתַּקַּף לִבָּא דְּפַרְעֹה וְלָא קַבֵּיל מִנְּהוֹן, כְּמָא דְּמַלֵּיל יְיָ.

ז,כג וַיִּפֶן פַּרְעֹה, וַיָּבֹא אֶל-בֵּיתוֹ; וְלֹא-שָׁת לִבּוֹ, גַּם-לָזֹאת.

וְאִתְפְּנִי פַּרְעֹה, וְעָאל לְבֵיתֵיהּ; וְלָא שַׁוִּי לִבֵּיהּ, אַף לְדָא.

ז,כד וַיַּחְפְּרוּ כָל-מִצְרַיִם סְבִיבֹת הַיְאֹר, מַיִם לִשְׁתּוֹת:  כִּי לֹא יָכְלוּ לִשְׁתֹּת, מִמֵּימֵי הַיְאֹר.

וַחֲפַרוּ כָּל מִצְרָאֵי סַחְרָנוּת נַהְרָא, מַיָּא לְמִשְׁתֵּי:  אֲרֵי לָא יְכִילוּ לְמִשְׁתֵּי, מִמַּיָּא דִּבְנַהְרָא.

ז,כה וַיִּמָּלֵא, שִׁבְעַת יָמִים, אַחֲרֵי הַכּוֹת-יְהוָה, אֶת-הַיְאֹר.  {פ}

וּשְׁלִימוּ, שִׁבְעָא יוֹמִין, בָּתַר דִּמְחָא יְיָ, יָת נַהְרָא.  {פ}

ז,כו וַיֹּאמֶר יְהוָה אֶל-מֹשֶׁה, בֹּא אֶל-פַּרְעֹה; וְאָמַרְתָּ אֵלָיו, כֹּה אָמַר יְהוָה, שַׁלַּח אֶת-עַמִּי, וְיַעַבְדֻנִי.

וַאֲמַר יְיָ לְמֹשֶׁה, עוֹל לְוָת פַּרְעֹה; וְתֵימַר לֵיהּ, כִּדְנָן אֲמַר יְיָ, שַׁלַּח יָת עַמִּי, וְיִפְלְחוּן קֳדָמָי.

ז,כז וְאִם-מָאֵן אַתָּה, לְשַׁלֵּחַ:  הִנֵּה אָנֹכִי, נֹגֵף אֶת-כָּל-גְּבוּלְךָ--בַּצְפַרְדְּעִים.

וְאִם מְסָרֵיב אַתְּ, לְשַׁלָּחָא:  הָא אֲנָא, מָחֵי יָת כָּל תְּחוּמָךְ--בְּעֻרְדְּעָנַיָּא.

ז,כח וְשָׁרַץ הַיְאֹר, צְפַרְדְּעִים, וְעָלוּ וּבָאוּ בְּבֵיתֶךָ, וּבַחֲדַר מִשְׁכָּבְךָ וְעַל-מִטָּתֶךָ; וּבְבֵית עֲבָדֶיךָ וּבְעַמֶּךָ, וּבְתַנּוּרֶיךָ וּבְמִשְׁאֲרוֹתֶיךָ.

וִירַבֵּי נַהְרָא, עֻרְדְּעָנַיָּא, וְיִסְּקוּן וְיֵיעֲלוּן בְּבֵיתָךְ, וּבְאִדְּרוֹן בֵּית מִשְׁכְּבָךְ וְעַל עַרְסָתָךְ; וּבְבֵית עַבְדָךְ וּבְעַמָּךְ, וּבְתַנּוּרָךְ וּבְאָצְוָתָךְ.

ז,כט וּבְכָה וּבְעַמְּךָ, וּבְכָל-עֲבָדֶיךָ--יַעֲלוּ, הַצְפַרְדְּעִים.

וּבָךְ וּבְעַמָּךְ, וּבְכָל עַבְדָךְ--יִסְּקוּן, עֻרְדְּעָנַיָּא.

ח,א וַיֹּאמֶר יְהוָה, אֶל-מֹשֶׁה, אֱמֹר אֶל-אַהֲרֹן נְטֵה אֶת-יָדְךָ בְּמַטֶּךָ, עַל-הַנְּהָרֹת עַל-הַיְאֹרִים וְעַל-הָאֲגַמִּים; וְהַעַל אֶת-הַצְפַרְדְּעִים, עַל-אֶרֶץ מִצְרָיִם.

וַאֲמַר יְיָ, לְמֹשֶׁה, אֵימַר לְאַהֲרוֹן אֲרֵים יָת יְדָךְ בְּחֻטְרָךְ, עַל נַהְרַיָּא עַל אֲרִתַּיָּא וְעַל אַגְמַיָּא; וְאַסֵּיק יָת עֻרְדְּעָנַיָּא, עַל אַרְעָא דְּמִצְרָיִם.

ח,ב וַיֵּט אַהֲרֹן אֶת-יָדוֹ, עַל מֵימֵי מִצְרָיִם; וַתַּעַל, הַצְּפַרְדֵּעַ, וַתְּכַס, אֶת-אֶרֶץ מִצְרָיִם.

וַאֲרֵים אַהֲרוֹן יָת יְדֵיהּ, עַל מַיָּא דְּמִצְרָאֵי; וּסְלִיקוּ, עֻרְדְּעָנַיָּא, וַחֲפוֹ, יָת אַרְעָא דְּמִצְרָיִם.

ח,ג וַיַּעֲשׂוּ-כֵן הַחַרְטֻמִּים, בְּלָטֵיהֶם; וַיַּעֲלוּ אֶת-הַצְפַרְדְּעִים, עַל-אֶרֶץ מִצְרָיִם.

וַעֲבַדוּ כֵּין חָרָשַׁיָּא, בְּלַחֲשֵׁיהוֹן; וְאַסִּיקוּ יָת עֻרְדְּעָנַיָּא, עַל אַרְעָא דְּמִצְרָיִם.

ח,ד וַיִּקְרָא פַרְעֹה לְמֹשֶׁה וּלְאַהֲרֹן, וַיֹּאמֶר הַעְתִּירוּ אֶל-יְהוָה, וְיָסֵר הַצְפַרְדְּעִים, מִמֶּנִּי וּמֵעַמִּי; וַאֲשַׁלְּחָה, אֶת-הָעָם, וְיִזְבְּחוּ, לַיהוָה.

וּקְרָא פַּרְעֹה לְמֹשֶׁה וּלְאַהֲרוֹן, וַאֲמַר צַלּוֹ קֳדָם יְיָ, וְיַעְדֵּי עֻרְדְּעָנַיָּא, מִנִּי וּמֵעַמִּי; וַאֲשַׁלַּח, יָת עַמָּא, וִידַבְּחוּן, קֳדָם יְיָ.

ח,ה וַיֹּאמֶר מֹשֶׁה לְפַרְעֹה, הִתְפָּאֵר עָלַי, לְמָתַי אַעְתִּיר לְךָ וְלַעֲבָדֶיךָ וּלְעַמְּךָ, לְהַכְרִית הַצְפַרְדְּעִים מִמְּךָ וּמִבָּתֶּיךָ:  רַק בַּיְאֹר, תִּשָּׁאַרְנָה.

וַאֲמַר מֹשֶׁה לְפַרְעֹה, שְׁאַל לָךְ גְּבוּרָא הַב לָךְ זְמָן, לְאִמַּתִּי אֲצַלֵּי עֲלָךְ וְעַל עַבְדָךְ וְעַל עַמָּךְ, לְשֵׁיצָאָה עֻרְדְּעָנַיָּא מִנָּךְ וּמִבָּתָּךְ:  לְחוֹד דִּבְנַהְרָא, יִשְׁתְּאַרוּן.

ח,ו וַיֹּאמֶר, לְמָחָר; וַיֹּאמֶר, כִּדְבָרְךָ--לְמַעַן תֵּדַע, כִּי-אֵין כַּיהוָה אֱלֹהֵינוּ.

וַאֲמַר, לִמְחַר; וַאֲמַר, כְּפִתְגָמָךְ--בְּדִיל דְּתִדַּע, אֲרֵי לֵית כַּייָ אֱלָהַנָא.

ח,ז וְסָרוּ הַצְפַרְדְּעִים, מִמְּךָ וּמִבָּתֶּיךָ, וּמֵעֲבָדֶיךָ, וּמֵעַמֶּךָ:  רַק בַּיְאֹר, תִּשָּׁאַרְנָה.

וְיִעְדּוֹן עֻרְדְּעָנַיָּא, מִנָּךְ וּמִבָּתָּךְ, וּמֵעַבְדָךְ, וּמֵעַמָּךְ:  לְחוֹד דִּבְנַהְרָא, יִשְׁתְּאַרוּן.

ח,ח וַיֵּצֵא מֹשֶׁה וְאַהֲרֹן, מֵעִם פַּרְעֹה; וַיִּצְעַק מֹשֶׁה אֶל-יְהוָה, עַל-דְּבַר הַצְפַרְדְּעִים אֲשֶׁר-שָׂם לְפַרְעֹה.

וּנְפַק מֹשֶׁה וְאַהֲרוֹן, מִלְּוָת פַּרְעֹה; וְצַלִּי מֹשֶׁה קֳדָם יְיָ, עַל עֵיסַק עֻרְדְּעָנַיָּא דְּשַׁוִּי לְפַרְעֹה.

ח,ט וַיַּעַשׂ יְהוָה, כִּדְבַר מֹשֶׁה; וַיָּמֻתוּ, הַצְפַרְדְּעִים, מִן-הַבָּתִּים מִן-הַחֲצֵרֹת, וּמִן-הַשָּׂדֹת.

וַעֲבַד יְיָ, כְּפִתְגָמָא דְּמֹשֶׁה; וּמִיתוּ, עֻרְדְּעָנַיָּא, מִן בָּתַּיָּא מִן דָּרָתָא, וּמִן חַקְלָתָא.

ח,י וַיִּצְבְּרוּ אֹתָם, חֳמָרִם חֳמָרִם; וַתִּבְאַשׁ, הָאָרֶץ.

וּכְנַשׁוּ יָתְהוֹן, דְּגוֹרִין דְּגוֹרִין; וּסְרִיאוּ, עַל אַרְעָא.

ח,יא וַיַּרְא פַּרְעֹה, כִּי הָיְתָה הָרְוָחָה, וְהַכְבֵּד אֶת-לִבּוֹ, וְלֹא שָׁמַע אֲלֵהֶם:  כַּאֲשֶׁר, דִּבֶּר יְהוָה.  {ס}

וַחֲזָא פַּרְעֹה, אֲרֵי הֲוָת רְוַחְתָּא, וְיַקַּר יָת לִבֵּיהּ, וְלָא קַבֵּיל מִנְּהוֹן:  כְּמָא דְּמַלֵּיל יְיָ.  {ס}

ח,יב וַיֹּאמֶר יְהוָה, אֶל-מֹשֶׁה, אֱמֹר אֶל-אַהֲרֹן, נְטֵה אֶת-מַטְּךָ וְהַךְ אֶת-עֲפַר הָאָרֶץ; וְהָיָה לְכִנִּם, בְּכָל-אֶרֶץ מִצְרָיִם.

וַאֲמַר יְיָ, לְמֹשֶׁה, אֵימַר לְאַהֲרוֹן, אֲרֵים יָת חֻטְרָךְ וּמְחִי יָת עַפְרָא דְּאַרְעָא; וִיהֵי לְקַלְמְתָא, בְּכָל אַרְעָא דְּמִצְרָיִם.

ח,יג וַיַּעֲשׂוּ-כֵן, וַיֵּט אַהֲרֹן אֶת-יָדוֹ בְמַטֵּהוּ וַיַּךְ אֶת-עֲפַר הָאָרֶץ, וַתְּהִי הַכִּנָּם, בָּאָדָם וּבַבְּהֵמָה:  כָּל-עֲפַר הָאָרֶץ הָיָה כִנִּים, בְּכָל-אֶרֶץ מִצְרָיִם.

וַעֲבַדוּ כֵּין, וַאֲרֵים אַהֲרוֹן יָת יְדֵיהּ בְּחֻטְרֵיהּ וּמְחָא יָת עַפְרָא דְּאַרְעָא, וַהֲוָת קַלְמְתָא, בַּאֲנָשָׁא וּבִבְעִירָא:  כָּל עַפְרָא דְּאַרְעָא הֲוָת קַלְמְתָא, בְּכָל אַרְעָא דְּמִצְרָיִם.

ח,יד וַיַּעֲשׂוּ-כֵן הַחַרְטֻמִּים בְּלָטֵיהֶם לְהוֹצִיא אֶת-הַכִּנִּים, וְלֹא יָכֹלוּ; וַתְּהִי, הַכִּנָּם, בָּאָדָם, וּבַבְּהֵמָה.

וַעֲבַדוּ כֵּין חָרָשַׁיָּא בְּלַחֲשֵׁיהוֹן לְאַפָּקָא יָת קַלְמְתָא, וְלָא יְכִילוּ; וַהֲוָת, קַלְמְתָא, בַּאֲנָשָׁא, וּבִבְעִירָא.

ח,טו וַיֹּאמְרוּ הַחַרְטֻמִּם אֶל-פַּרְעֹה, אֶצְבַּע אֱלֹהִים הִוא; וַיֶּחֱזַק לֵב-פַּרְעֹה וְלֹא-שָׁמַע אֲלֵהֶם, כַּאֲשֶׁר דִּבֶּר יְהוָה.  {ס}

וַאֲמַרוּ חָרָשַׁיָּא לְפַרְעֹה, מַחָא מִן קֳדָם יְיָ הִיא; וְאִתַּקַּף לִבָּא דְּפַרְעֹה וְלָא קַבֵּיל מִנְּהוֹן, כְּמָא דְּמַלֵּיל יְיָ.  {ס}

ח,טז וַיֹּאמֶר יְהוָה אֶל-מֹשֶׁה, הַשְׁכֵּם בַּבֹּקֶר וְהִתְיַצֵּב לִפְנֵי פַרְעֹה--הִנֵּה, יוֹצֵא הַמָּיְמָה; וְאָמַרְתָּ אֵלָיו, כֹּה אָמַר יְהוָה, שַׁלַּח עַמִּי, וְיַעַבְדֻנִי.

וַאֲמַר יְיָ לְמֹשֶׁה, אַקְדֵּים בְּצַפְרָא וְאִתְעַתַּד קֳדָם פַּרְעֹה--הָא, נָפֵיק לְמַיָּא; וְתֵימַר לֵיהּ, כִּדְנָן אֲמַר יְיָ, שַׁלַּח עַמִּי, וְיִפְלְחוּן קֳדָמָי.

ח,יז כִּי אִם-אֵינְךָ, מְשַׁלֵּחַ אֶת-עַמִּי--הִנְנִי מַשְׁלִיחַ בְּךָ וּבַעֲבָדֶיךָ וּבְעַמְּךָ וּבְבָתֶּיךָ, אֶת-הֶעָרֹב; וּמָלְאוּ בָּתֵּי מִצְרַיִם, אֶת-הֶעָרֹב, וְגַם הָאֲדָמָה, אֲשֶׁר-הֵם עָלֶיהָ.

אֲרֵי אִם לָיְתָךְ, מְשַׁלַּח יָת עַמִּי--הָאֲנָא מַשְׁלַח בָּךְ וּבְעַבְדָךְ וּבְעַמָּךְ וּבְבָתָּךְ, יָת עָרוֹבָא; וְיִתְמְלוֹן בָּתֵּי מִצְרַיִם, יָת עָרוֹבָא, וְאַף אַרְעָא, דְּאִנּוּן עֲלַהּ.

ח,יח וְהִפְלֵיתִי בַיּוֹם הַהוּא אֶת-אֶרֶץ גֹּשֶׁן, אֲשֶׁר עַמִּי עֹמֵד עָלֶיהָ, לְבִלְתִּי הֱיוֹת-שָׁם, עָרֹב--לְמַעַן תֵּדַע, כִּי אֲנִי יְהוָה בְּקֶרֶב הָאָרֶץ.

וְאַפְרֵישׁ בְּיוֹמָא הַהוּא יָת אַרְעָא דְּגֹשֶׁן, דְּעַמִּי שָׁרֵי עֲלַהּ, בְּדִיל דְּלָא לְמִהְוֵי תַּמָּן, עָרוֹבָא--בְּדִיל דְּתִדַּע, אֲרֵי אֲנָא יְיָ שַׁלִּיט בְּגוֹ אַרְעָא.

ח,יט וְשַׂמְתִּי פְדֻת, בֵּין עַמִּי וּבֵין עַמֶּךָ; לְמָחָר יִהְיֶה, הָאֹת הַזֶּה.

וַאֲשַׁוֵּי פֻּרְקָן לְעַמִּי, וְעַל עַמָּךְ אַיְתִי מַחָא; לִמְחַר יְהֵי, אָתָא הָדֵין.

ח,כ וַיַּעַשׂ יְהוָה, כֵּן, וַיָּבֹא עָרֹב כָּבֵד, בֵּיתָה פַרְעֹה וּבֵית עֲבָדָיו; וּבְכָל-אֶרֶץ מִצְרַיִם תִּשָּׁחֵת הָאָרֶץ, מִפְּנֵי הֶעָרֹב.

וַעֲבַד יְיָ, כֵּין, וַאֲתָא עָרוֹבָא תַּקִּיף, לְבֵית פַּרְעֹה וּלְבֵית עַבְדּוֹהִי; וּבְכָל אַרְעָא דְּמִצְרַיִם אִתְחַבַּלַת אַרְעָא, מִן קֳדָם עָרוֹבָא.

ח,כא וַיִּקְרָא פַרְעֹה, אֶל-מֹשֶׁה וּלְאַהֲרֹן; וַיֹּאמֶר, לְכוּ זִבְחוּ לֵאלֹהֵיכֶם--בָּאָרֶץ.

וּקְרָא פַּרְעֹה, לְמֹשֶׁה וּלְאַהֲרוֹן; וַאֲמַר, אִיזִילוּ דַּבַּחוּ קֳדָם אֱלָהֲכוֹן--בְּאַרְעָא.

ח,כב וַיֹּאמֶר מֹשֶׁה, לֹא נָכוֹן לַעֲשׂוֹת כֵּן, כִּי תּוֹעֲבַת מִצְרַיִם, נִזְבַּח לַיהוָה אֱלֹהֵינוּ:  הֵן נִזְבַּח אֶת-תּוֹעֲבַת מִצְרַיִם, לְעֵינֵיהֶם--וְלֹא יִסְקְלֻנוּ.

וַאֲמַר מֹשֶׁה, לָא תָּקֵין לְמֶעֱבַד כֵּין, אֲרֵי בְּעִירָא דְּמִצְרָאֵי דָּחֲלִין לֵיהּ, מִנֵּיהּ אֲנַחְנָא נָסְבִין לְדַבָּחָא קֳדָם יְיָ אֱלָהַנָא:  הָא נְדַבַּח יָת בְּעִירָא דְּמִצְרָאֵי דָּחֲלִין לֵיהּ, וְאִנּוּן יְהוֹן חָזַן--הֲלָא יֵימְרוּן לְמִרְגְּמַנָא.

ח,כג דֶּרֶךְ שְׁלֹשֶׁת יָמִים, נֵלֵךְ בַּמִּדְבָּר; וְזָבַחְנוּ לַיהוָה אֱלֹהֵינוּ, כַּאֲשֶׁר יֹאמַר אֵלֵינוּ.

מַהְלַךְ תְּלָתָא יוֹמִין, נֵיזֵיל בְּמַדְבְּרָא; וּנְדַבַּח קֳדָם יְיָ אֱלָהַנָא, כְּמָא דְּיֵימַר לַנָא.

ח,כד וַיֹּאמֶר פַּרְעֹה, אָנֹכִי אֲשַׁלַּח אֶתְכֶם וּזְבַחְתֶּם לַיהוָה אֱלֹהֵיכֶם בַּמִּדְבָּר--רַק הַרְחֵק לֹא-תַרְחִיקוּ, לָלֶכֶת; הַעְתִּירוּ, בַּעֲדִי.

וַאֲמַר פַּרְעֹה, אֲנָא אֲשַׁלַּח יָתְכוֹן וּתְדַבְּחוּן קֳדָם יְיָ אֱלָהֲכוֹן בְּמַדְבְּרָא--לְחוֹד אַרְחָקָא לָא תְּרַחֲקוּן, לְמֵיזַל; צַלּוֹ, עֲלָי.

ח,כה וַיֹּאמֶר מֹשֶׁה, הִנֵּה אָנֹכִי יוֹצֵא מֵעִמָּךְ וְהַעְתַּרְתִּי אֶל-יְהוָה, וְסָר הֶעָרֹב מִפַּרְעֹה מֵעֲבָדָיו וּמֵעַמּוֹ, מָחָר:  רַק, אַל-יֹסֵף פַּרְעֹה הָתֵל, לְבִלְתִּי שַׁלַּח אֶת-הָעָם, לִזְבֹּחַ לַיהוָה.

וַאֲמַר מֹשֶׁה, הָא אֲנָא נָפֵיק מֵעִמָּךְ וַאֲצַלֵּי קֳדָם יְיָ, וְיִעְדֵּי עָרוֹבָא מִפַּרְעֹה מֵעַבְדּוֹהִי וּמֵעַמֵּיהּ, מְחַר:  לְחוֹד, לָא יוֹסֵיף פַּרְעֹה לְשַׁקָּרָא, בְּדִיל דְּלָא לְשַׁלָּחָא יָת עַמָּא, לְדַבָּחָא קֳדָם יְיָ.

ח,כו וַיֵּצֵא מֹשֶׁה, מֵעִם פַּרְעֹה; וַיֶּעְתַּר, אֶל-יְהוָה.

וּנְפַק מֹשֶׁה, מִלְּוָת פַּרְעֹה; וְצַלִּי, קֳדָם יְיָ.

ח,כז וַיַּעַשׂ יְהוָה, כִּדְבַר מֹשֶׁה, וַיָּסַר הֶעָרֹב, מִפַּרְעֹה מֵעֲבָדָיו וּמֵעַמּוֹ:  לֹא נִשְׁאַר, אֶחָד.

וַעֲבַד יְיָ, כְּפִתְגָמָא דְּמֹשֶׁה, וְאַעְדִּי עָרוֹבָא, מִפַּרְעֹה מֵעַבְדּוֹהִי וּמֵעַמֵּיהּ:  לָא אִשְׁתְּאַר, חַד.

ח,כח וַיַּכְבֵּד פַּרְעֹה אֶת-לִבּוֹ, גַּם בַּפַּעַם הַזֹּאת; וְלֹא שִׁלַּח, אֶת-הָעָם.  {פ}

וְיַקַּר פַּרְעֹה יָת לִבֵּיהּ, אַף בְּזִמְנָא הָדָא; וְלָא שַׁלַּח, יָת עַמָּא.  {פ}

ט,א וַיֹּאמֶר יְהוָה אֶל-מֹשֶׁה, בֹּא אֶל-פַּרְעֹה; וְדִבַּרְתָּ אֵלָיו, כֹּה-אָמַר יְהוָה אֱלֹהֵי הָעִבְרִים, שַׁלַּח אֶת-עַמִּי, וְיַעַבְדֻנִי.

וַאֲמַר יְיָ לְמֹשֶׁה, עוֹל לְוָת פַּרְעֹה; וּתְמַלֵּיל עִמֵּיהּ, כִּדְנָן אֲמַר יְיָ אֱלָהָא דִּיהוּדָאֵי, שַׁלַּח יָת עַמִּי, וְיִפְלְחוּן קֳדָמָי.

ט,ב כִּי אִם-מָאֵן אַתָּה, לְשַׁלֵּחַ, וְעוֹדְךָ, מַחֲזִיק בָּם.

אֲרֵי אִם מְסָרֵיב אַתְּ, לְשַׁלָּחָא, וְעַד כְּעַן אַתְּ, מַתְקֵיף בְּהוֹן.

ט,ג הִנֵּה יַד-יְהוָה הוֹיָה, בְּמִקְנְךָ אֲשֶׁר בַּשָּׂדֶה, בַּסּוּסִים בַּחֲמֹרִים בַּגְּמַלִּים, בַּבָּקָר וּבַצֹּאן--דֶּבֶר, כָּבֵד מְאֹד.

הָא מַחָא מִן קֳדָם יְיָ הָוְיָא, בִּבְעִירָךְ דִּבְחַקְלָא, בְּסוּסָוָתָא בִּחְמָרֵי בְּגַמְלֵי, בְּתוֹרֵי וּבְעָנָא--מוֹתָא, סַגִּי לַחְדָּא.

ט,ד וְהִפְלָה יְהוָה--בֵּין מִקְנֵה יִשְׂרָאֵל, וּבֵין מִקְנֵה מִצְרָיִם; וְלֹא יָמוּת מִכָּל-לִבְנֵי יִשְׂרָאֵל, דָּבָר.

וְיַפְרֵישׁ יְיָ--בֵּין בְּעִירָא דְּיִשְׂרָאֵל, וּבֵין בְּעִירָא דְּמִצְרָאֵי; וְלָא יְמוּת מִכּוֹלָא לִבְנֵי יִשְׂרָאֵל, מִדָּעַם.

ט,ה וַיָּשֶׂם יְהוָה, מוֹעֵד לֵאמֹר:  מָחָר, יַעֲשֶׂה יְהוָה הַדָּבָר הַזֶּה--בָּאָרֶץ.

וְשַׁוִּי יְיָ, זִמְנָא לְמֵימַר:  מְחַר, יַעֲבֵיד יְיָ פִּתְגָמָא הָדֵין--בְּאַרְעָא.

ט,ו וַיַּעַשׂ יְהוָה אֶת-הַדָּבָר הַזֶּה, מִמָּחֳרָת, וַיָּמָת, כֹּל מִקְנֵה מִצְרָיִם; וּמִמִּקְנֵה בְנֵי-יִשְׂרָאֵל, לֹא-מֵת אֶחָד.

וַעֲבַד יְיָ יָת פִּתְגָמָא הָדֵין, בְּיוֹמָא דְּבָתְרוֹהִי, וּמִית, כֹּל בְּעִירָא דְּמִצְרָאֵי; וּמִבְּעִירָא דִּבְנֵי יִשְׂרָאֵל, לָא מִית חַד.

ט,ז וַיִּשְׁלַח פַּרְעֹה--וְהִנֵּה לֹא-מֵת מִמִּקְנֵה יִשְׂרָאֵל, עַד-אֶחָד; וַיִּכְבַּד לֵב פַּרְעֹה, וְלֹא שִׁלַּח אֶת-הָעָם.  {פ}

וּשְׁלַח פַּרְעֹה--וְהָא לָא מִית מִבְּעִירָא דְּיִשְׂרָאֵל, עַד חַד; וְאִתְיַקַּר לִבָּא דְּפַרְעֹה, וְלָא שַׁלַּח יָת עַמָּא.  {פ}

ט,ח וַיֹּאמֶר יְהוָה, אֶל-מֹשֶׁה וְאֶל-אַהֲרֹן, קְחוּ לָכֶם מְלֹא חָפְנֵיכֶם, פִּיחַ כִּבְשָׁן; וּזְרָקוֹ מֹשֶׁה הַשָּׁמַיְמָה, לְעֵינֵי פַרְעֹה.

וַאֲמַר יְיָ, לְמֹשֶׁה וּלְאַהֲרוֹן, סַבוּ לְכוֹן מְלֵי חֻפְנֵיכוֹן, פִּיחַ דְּאַתּוּנָא; וְיִזְרְקִנֵּיהּ מֹשֶׁה לְצֵית שְׁמַיָּא, לְעֵינֵי פַּרְעֹה.

ט,ט וְהָיָה לְאָבָק, עַל כָּל-אֶרֶץ מִצְרָיִם; וְהָיָה עַל-הָאָדָם וְעַל-הַבְּהֵמָה, לִשְׁחִין פֹּרֵחַ אֲבַעְבֻּעֹת--בְּכָל-אֶרֶץ מִצְרָיִם.

וִיהֵי לְאַבְקָא, עַל כָּל אַרְעָא דְּמִצְרָיִם; וִיהֵי עַל אֲנָשָׁא וְעַל בְּעִירָא, לִשְׁחִין סָגֵי אֲבַעְבּוֹעֲיָן--בְּכָל אַרְעָא דְּמִצְרָיִם.

ט,י וַיִּקְחוּ אֶת-פִּיחַ הַכִּבְשָׁן, וַיַּעַמְדוּ לִפְנֵי פַרְעֹה, וַיִּזְרֹק אֹתוֹ מֹשֶׁה, הַשָּׁמָיְמָה; וַיְהִי, שְׁחִין אֲבַעְבֻּעֹת, פֹּרֵחַ, בָּאָדָם וּבַבְּהֵמָה.

וּנְסִיבוּ יָת פִּיחַ דְּאַתּוּנָא, וְקָמוּ קֳדָם פַּרְעֹה, וּזְרַק יָתֵיהּ מֹשֶׁה, לְצֵית שְׁמַיָּא; וַהֲוָה, שְׁחִין אֲבַעְבּוֹעֲיָן, סָגֵי, בַּאֲנָשָׁא וּבִבְעִירָא.

ט,יא וְלֹא-יָכְלוּ הַחַרְטֻמִּים, לַעֲמֹד לִפְנֵי מֹשֶׁה--מִפְּנֵי הַשְּׁחִין:  כִּי-הָיָה הַשְּׁחִין, בַּחַרְטֻמִּם וּבְכָל-מִצְרָיִם.

וְלָא יְכִילוּ חָרָשַׁיָּא, לִמְקָם קֳדָם מֹשֶׁה--מִן קֳדָם שִׁחְנָא:  אֲרֵי הֲוָה שִׁחְנָא, בְּחָרָשַׁיָּא וּבְכָל מִצְרָאֵי.

ט,יב וַיְחַזֵּק יְהוָה אֶת-לֵב פַּרְעֹה, וְלֹא שָׁמַע אֲלֵהֶם:  כַּאֲשֶׁר דִּבֶּר יְהוָה, אֶל-מֹשֶׁה.  {ס}

וְתַקֵּיף יְיָ יָת לִבָּא דְּפַרְעֹה, וְלָא קַבֵּיל מִנְּהוֹן:  כְּמָא דְּמַלֵּיל יְיָ, עִם מֹשֶׁה.  {ס}

ט,יג וַיֹּאמֶר יְהוָה, אֶל-מֹשֶׁה, הַשְׁכֵּם בַּבֹּקֶר, וְהִתְיַצֵּב לִפְנֵי פַרְעֹה; וְאָמַרְתָּ אֵלָיו, כֹּה-אָמַר יְהוָה אֱלֹהֵי הָעִבְרִים, שַׁלַּח אֶת-עַמִּי, וְיַעַבְדֻנִי.

וַאֲמַר יְיָ, לְמֹשֶׁה, אַקְדֵּים בְּצַפְרָא, וְאִתְעַתַּד קֳדָם פַּרְעֹה; וְתֵימַר לֵיהּ, כִּדְנָן אֲמַר יְיָ אֱלָהָא דִּיהוּדָאֵי, שַׁלַּח יָת עַמִּי, וְיִפְלְחוּן קֳדָמָי.

ט,יד כִּי בַּפַּעַם הַזֹּאת, אֲנִי שֹׁלֵחַ אֶת-כָּל-מַגֵּפֹתַי אֶל-לִבְּךָ, וּבַעֲבָדֶיךָ, וּבְעַמֶּךָ--בַּעֲבוּר תֵּדַע, כִּי אֵין כָּמֹנִי בְּכָל-הָאָרֶץ.

אֲרֵי בְּזִמְנָא הָדָא, אֲנָא שָׁלַח יָת כָּל מַחָתַי בְּלִבָּךְ, וּבְעַבְדָךְ, וּבְעַמָּךְ--בְּדִיל דְּתִדַּע, אֲרֵי לֵית דִּכְוָתִי בְּכָל אַרְעָא.

ט,טו כִּי עַתָּה שָׁלַחְתִּי אֶת-יָדִי, וָאַךְ אוֹתְךָ וְאֶת-עַמְּךָ בַּדָּבֶר; וַתִּכָּחֵד, מִן-הָאָרֶץ.

אֲרֵי כְּעַן קָרִיב קֳדָמַי דִּשְׁלַחִית פּוֹן יָת מַחַת גְּבוּרְתִי, וּמְחֵית יָתָךְ וְיָת עַמָּךְ בְּמוֹתָא; וְאִשְׁתֵּיצִיתָא, מִן אַרְעָא.

ט,טז וְאוּלָם, בַּעֲבוּר זֹאת הֶעֱמַדְתִּיךָ, בַּעֲבוּר, הַרְאֹתְךָ אֶת-כֹּחִי; וּלְמַעַן סַפֵּר שְׁמִי, בְּכָל-הָאָרֶץ.

וּבְרַם, בְּדִיל דָּא קַיֵּימְתָּךְ, בְּדִיל, לְאַחְזָיוּתָךְ יָת חֵילִי; וּבְדִיל דִּיהוֹן מִשְׁתָּעַן גְּבוּרַת שְׁמִי, בְּכָל אַרְעָא.

ט,יז עוֹדְךָ, מִסְתּוֹלֵל בְּעַמִּי, לְבִלְתִּי, שַׁלְּחָם.

עַד כְּעַן, כְּבֵישְׁתְּ לֵיהּ בְּעַמִּי, בְּדִיל דְּלָא, לְשַׁלָּחוּתְהוֹן.

ט,יח הִנְנִי מַמְטִיר כָּעֵת מָחָר, בָּרָד כָּבֵד מְאֹד, אֲשֶׁר לֹא-הָיָה כָמֹהוּ בְּמִצְרַיִם, לְמִן-הַיּוֹם הִוָּסְדָה וְעַד-עָתָּה.

הָאֲנָא מַחֵית כְּעִדָּנָא הָדֵין מְחַר, בַּרְדָּא תַּקִּיף לַחְדָּא, דְּלָא הֲוָה דִּכְוָתֵיהּ בְּמִצְרַיִם, לְמִן יוֹמָא דְּאִשְׁתַּכְלַלַת וְעַד כְּעַן.

ט,יט וְעַתָּה, שְׁלַח הָעֵז אֶת-מִקְנְךָ, וְאֵת כָּל-אֲשֶׁר לְךָ, בַּשָּׂדֶה:  כָּל-הָאָדָם וְהַבְּהֵמָה אֲשֶׁר-יִמָּצֵא בַשָּׂדֶה, וְלֹא יֵאָסֵף הַבַּיְתָה--וְיָרַד עֲלֵהֶם הַבָּרָד, וָמֵתוּ.

וּכְעַן, שְׁלַח כְּנוֹשׁ יָת בְּעִירָךְ, וְיָת כָּל דְּלָךְ, בְּחַקְלָא:  כָּל אֲנָשָׁא וּבְעִירָא דְּיִשְׁתְּכַח בְּחַקְלָא, וְלָא יִתְכְּנֵישׁ לְבֵיתָא--וְיֵיחוֹת עֲלֵיהוֹן בַּרְדָּא, וִימוּתוּן.

ט,כ הַיָּרֵא אֶת-דְּבַר יְהוָה, מֵעַבְדֵי פַּרְעֹה--הֵנִיס אֶת-עֲבָדָיו וְאֶת-מִקְנֵהוּ, אֶל-הַבָּתִּים.

דְּדָחֵיל מִפִּתְגָמָא דַּייָ, מֵעַבְדֵי פַּרְעֹה--כְּנַשׁ יָת עַבְדּוֹהִי וְיָת בִּעִירֵיהּ, לְבָתַּיָּא.

ט,כא וַאֲשֶׁר לֹא-שָׂם לִבּוֹ, אֶל-דְּבַר יְהוָה--וַיַּעֲזֹב אֶת-עֲבָדָיו וְאֶת-מִקְנֵהוּ, בַּשָּׂדֶה.  {פ}

וּדְלָא שַׁוִּי לִבֵּיהּ, לְפִתְגָמָא דַּייָ--שְׁבַק יָת עַבְדּוֹהִי וְיָת בְּעִירֵיהּ, בְּחַקְלָא.  {פ}

ט,כב וַיֹּאמֶר יְהוָה אֶל-מֹשֶׁה, נְטֵה אֶת-יָדְךָ עַל-הַשָּׁמַיִם, וִיהִי בָרָד, בְּכָל-אֶרֶץ מִצְרָיִם:  עַל-הָאָדָם וְעַל-הַבְּהֵמָה, וְעַל כָּל-עֵשֶׂב הַשָּׂדֶה--בְּאֶרֶץ מִצְרָיִם.

וַאֲמַר יְיָ לְמֹשֶׁה, אֲרֵים יָת יְדָךְ עַל צֵית שְׁמַיָּא, וִיהֵי בַּרְדָּא, בְּכָל אַרְעָא דְּמִצְרָיִם:  עַל אֲנָשָׁא וְעַל בְּעִירָא, וְעַל כָּל עִסְבָּא דְּחַקְלָא--בְּאַרְעָא דְּמִצְרָיִם.

ט,כג וַיֵּט מֹשֶׁה אֶת-מַטֵּהוּ, עַל-הַשָּׁמַיִם, וַיהוָה נָתַן קֹלֹת וּבָרָד, וַתִּהֲלַךְ אֵשׁ אָרְצָה; וַיַּמְטֵר יְהוָה בָּרָד, עַל-אֶרֶץ מִצְרָיִם.

וַאֲרֵים מֹשֶׁה יָת חֻטְרֵיהּ, עַל צֵית שְׁמַיָּא, וַייָ יְהַב קָלִין וּבְרַד, וּמְהַלְּכָא אִישָׁתָא עַל אַרְעָא; וְאַמְטַר יְיָ בַּרְדָּא, עַל אַרְעָא דְּמִצְרָיִם.

ט,כד וַיְהִי בָרָד--וְאֵשׁ, מִתְלַקַּחַת בְּתוֹךְ הַבָּרָד:  כָּבֵד מְאֹד--אֲשֶׁר לֹא-הָיָה כָמֹהוּ בְּכָל-אֶרֶץ מִצְרַיִם, מֵאָז הָיְתָה לְגוֹי.

וַהֲוָה בַּרְדָּא--וְאִישָׁתָא, מִשְׁתַּלְהֲבָא בְּגוֹ בַּרְדָּא:  תַּקִּיף לַחְדָּא--דְּלָא הֲוָה דִּכְוָתֵיהּ בְּכָל אַרְעָא דְּמִצְרַיִם, מֵעִדָּן דַּהֲוָת לְעַם.

ט,כה וַיַּךְ הַבָּרָד בְּכָל-אֶרֶץ מִצְרַיִם, אֵת כָּל-אֲשֶׁר בַּשָּׂדֶה, מֵאָדָם, וְעַד-בְּהֵמָה; וְאֵת כָּל-עֵשֶׂב הַשָּׂדֶה הִכָּה הַבָּרָד, וְאֶת-כָּל-עֵץ הַשָּׂדֶה שִׁבֵּר.

וּמְחָא בַּרְדָּא בְּכָל אַרְעָא דְּמִצְרַיִם, יָת כָּל דִּבְחַקְלָא, מֵאֲנָשָׁא, וְעַד בְּעִירָא; וְיָת כָּל עִסְבָּא דְּחַקְלָא מְחָא בַּרְדָּא, וְיָת כָּל אִילָנֵי חַקְלָא תַּבַּר.

ט,כו רַק בְּאֶרֶץ גֹּשֶׁן, אֲשֶׁר-שָׁם בְּנֵי יִשְׂרָאֵל--לֹא הָיָה, בָּרָד.

לְחוֹד בְּאַרְעָא דְּגֹשֶׁן, דְּתַמָּן בְּנֵי יִשְׂרָאֵל--לָא הֲוָה, בַּרְדָּא.

ט,כז וַיִּשְׁלַח פַּרְעֹה, וַיִּקְרָא לְמֹשֶׁה וּלְאַהֲרֹן, וַיֹּאמֶר אֲלֵהֶם, חָטָאתִי הַפָּעַם:  יְהוָה, הַצַּדִּיק, וַאֲנִי וְעַמִּי, הָרְשָׁעִים.

וּשְׁלַח פַּרְעֹה, וּקְרָא לְמֹשֶׁה וּלְאַהֲרוֹן, וַאֲמַר לְהוֹן, חַבִית זִמְנָא הָדָא:  יְיָ, זַכָּאָה, וַאֲנָא וְעַמִּי, חַיָּבִין.

ט,כח הַעְתִּירוּ, אֶל-יְהוָה, וְרַב, מִהְיֹת קֹלֹת אֱלֹהִים וּבָרָד; וַאֲשַׁלְּחָה אֶתְכֶם, וְלֹא תֹסִפוּן לַעֲמֹד.

צַלּוֹ, קֳדָם יְיָ, וְסַגִּי קֳדָמוֹהִי רְוַח, דְּלָא יְהוֹן עֲלַנָא קָלִין דִּלְוָט כְּאִלֵּין מִן קֳדָם יְיָ וּבְרַד; וַאֲשַׁלַּח יָתְכוֹן, וְלָא תֵּיסְפוּן לְאִתְעַכָּבָא.

ט,כט וַיֹּאמֶר אֵלָיו, מֹשֶׁה, כְּצֵאתִי אֶת-הָעִיר, אֶפְרֹשׂ אֶת-כַּפַּי אֶל-יְהוָה; הַקֹּלוֹת יֶחְדָּלוּן, וְהַבָּרָד לֹא יִהְיֶה-עוֹד, לְמַעַן תֵּדַע, כִּי לַיהוָה הָאָרֶץ.

וַאֲמַר לֵיהּ, מֹשֶׁה, כְּמִפְּקִי מִן קַרְתָּא, אֶפְרוֹס יָת יְדַי בִּצְלוֹ קֳדָם יְיָ; קָלַיָּא יִתְמַנְעוּן, וּבַרְדָּא לָא יְהֵי עוֹד, בְּדִיל דְּתִדַּע, אֲרֵי דַּייָ אַרְעָא.

ט,ל וְאַתָּה, וַעֲבָדֶיךָ:  יָדַעְתִּי--כִּי טֶרֶם תִּירְאוּן, מִפְּנֵי יְהוָה אֱלֹהִים.

וְאַתְּ, וְעַבְדָךְ:  יָדַעְנָא--אֲרֵי עַד כְּעַן לָא אִתְכְּנַעְתּוּן, מִן קֳדָם יְיָ אֱלֹהִים.

ט,לא וְהַפִּשְׁתָּה וְהַשְּׂעֹרָה, נֻכָּתָה:  כִּי הַשְּׂעֹרָה אָבִיב, וְהַפִּשְׁתָּה גִּבְעֹל.

וְכִתָּנָא וּסְעָרֵי, לְקוֹ:  אֲרֵי סְעָרַיָּא אֲבִיב, וְכִתָּנָא גַּבְעֻלִּין.

ט,לב וְהַחִטָּה וְהַכֻּסֶּמֶת, לֹא נֻכּוּ:  כִּי אֲפִילֹת, הֵנָּה.

וְחִטַּיָּא וְכוּנָתַיָּא, לָא לְקַאָה:  אֲרֵי אַפְלָתָא, אִנִּין.

ט,לג וַיֵּצֵא מֹשֶׁה מֵעִם פַּרְעֹה, אֶת-הָעִיר, וַיִּפְרֹשׂ כַּפָּיו, אֶל-יְהוָה; וַיַּחְדְּלוּ הַקֹּלוֹת וְהַבָּרָד, וּמָטָר לֹא-נִתַּךְ אָרְצָה.

וּנְפַק מֹשֶׁה מִלְּוָת פַּרְעֹה, יָת קַרְתָּא, וּפְרַס יְדוֹהִי בִּצְלוֹ, קֳדָם יְיָ; וְאִתְמְנַעוּ קָלַיָּא וּבַרְדָּא, וּמִטְרָא דַּהֲוָה נָחֵית לָא מְטָא עַל אַרְעָא.

ט,לד וַיַּרְא פַּרְעֹה, כִּי-חָדַל הַמָּטָר וְהַבָּרָד וְהַקֹּלֹת--וַיֹּסֶף לַחֲטֹא; וַיַּכְבֵּד לִבּוֹ, הוּא וַעֲבָדָיו.

וַחֲזָא פַּרְעֹה, אֲרֵי אִתְמְנַע מִטְרָא וּבַרְדָּא וְקָלַיָּא--וְאוֹסֵיף לְמִחְטֵי; וְיַקְּרֵיהּ לְלִבֵּיהּ, הוּא וְעַבְדּוֹהִי.

ט,לה וַיֶּחֱזַק לֵב פַּרְעֹה, וְלֹא שִׁלַּח אֶת-בְּנֵי יִשְׂרָאֵל:  כַּאֲשֶׁר דִּבֶּר יְהוָה, בְּיַד-מֹשֶׁה.  {פ}

וְאִתַּקַּף לִבָּא דְּפַרְעֹה, וְלָא שַׁלַּח יָת בְּנֵי יִשְׂרָאֵל:  כְּמָא דְּמַלֵּיל יְיָ, בִּידָא דְּמֹשֶׁה.  {פ}

פרשת וארא הרב אורי זוהר

פרשת וירא הרב יונה מצגר

פרשת וירא